الله يرحمك يا فار

الله يرحمك يا فار
الله يرحمك يا فار

السياسة كار
والصحافة كار
حتى البهايم والخضار
وكل كار..
وله ناسه
كان ليا خال
ديما بيلعب ف عبه الفار
تنصحه ما تنصحه
بيعمل اللى ف راسه
عارف
فيه حاجات ممكن تتصلح
لكن لو البيت بايظ
من أساسه
يبقى خدها من قاصرها
وهات عربية بحمار
ولم العزال
وخللى بالك م العيال
عمرك سمعت عن محتل
طيب ابن حلال
بيزرع الأرض بالحب والأزهار
أو سمعت إن ف بلدنا
حد فاشل استقال
أو حتى فكر ف الاعتذار
إزاى بس احضنك
وانت بتضربنى بالنار
وتقوللى نصيبك كده
وده أجل
ودى أعمار
والله ما بقيت عارف أقول إيه
الله يرحمك يا خالى
واللا الله يرحمك
يا فار

رد: الله يرحمك يا فار

التوقيع

» وجوب الإعتصام بكتاب الله و سنة نبيه صلى الله عليه و سلم
» هذا خلق الله
» نور الله عز وجل
» نوح رضي الله عنه و الطوفان
» اتق الله حيثما كنت